Azərbaycan Qarabağın bərpasında iştirak edən İtaliya şirkətlərinin sayının artırılmasında maraqlıdır

“Azərbaycan işğaldan azad edilmiş ərazilərin bərpası istiqamətində fəaliyyət göstərən İtaliya şirkətlərinin sayının artırılmasında maraqlıdır”. 

Bizim.Media xəbər verir ki, bunu Azərbaycanın xarici işlər naziri Ceyhun Bayramov İtaliyanın XİN başçısı Luici Di Mayo ilə görüşündən sonra keçirilən mətbuat konfransında deyib. 
 

MÖVZU İLƏ BAĞLI:

İlham Əliyev: "3 şəhərdə İşğal və Zəfər muzeyləri İtaliya şirkətləri tərəfindən inşa olunur"

Görüşdə C.Bayramov italiyalı həmkarına Azərbaycanın işğaldan azad edilmiş ərazilərində infrastrukturun bərpası istiqamətində görülən işlər barədə məlumat verib. 

XİN başçısı qeyd edib ki, İtaliya şirkətləri artıq orada işləyir. 

Onun sözlərinə görə, Azərbaycan azad edilmiş ərazilərin minalardan təmizlənməsi prosesinə xarici şirkətləri, o cümlədən İtaliya şirkətlərini cəlb etməkdə maraqlıdır. 

Nazir Luici Di Mayo, öz növbəsində, İtaliya şirkətlərinin bu istiqamətdə əlavə addımlar atacağına vəd verib. 

Bizim.Media