Venesuelada narkotik daşıyan təyyarə vuruldu

Venesuela Hərbi Hava Qüvvələri 2025-ci ildə narkotik qaçaqmalçılığında iştirak edən 39 təyyarəni məhv edib.

Bizim.Media xəbər verir ki, bunu Nikolas Maduro Venezolana de Televisión televiziya kanalında deyib.

Onun sözlərinə görə, bununla da narkotik qaçaqmalçılığına qarşı mübarizə qanununun qəbul edilməsindən bəri məhv edilən belə təyyarələrin ümumi sayı 430-a çatıb: "Silahlı qüvvələrimizi, ərazi müdafiə kompleksimizi və xüsusən də hava hücumundan müdafiə və hərbi aviasiyamızı təbrik etmək istəyirəm, çünki dünən (28 dekabr – red.) Apure ştatında bu il 31-ci narkotik qaçaqmalçılığı təyyarəsi vurulub".

O əlavə edib ki, 29 dekabrda Braziliya ilə sərhəd yaxınlığındakı Amazonas ştatında hərbi aviasiya səkkiz narkotik qaçaqmalçılığı təyyarəsini məhv edib və bununla da 2025-ci ildə təyyarələrin ümumi sayı 39-a çatıb.

Bizim.Media