Gürcüstan parlamentinə yeni spiker seçildi

Gürcüstan parlamentinin yeni sədri seçilib.

Bizim.Media xəbər verir ki, X çağırış yeni parlamentin ilk iclasında bir sıra təşkilatı məsələlərə baxılıb, deputat Arçil Talakvadze parlamentin sədri seçilib.

Onun namizədliyini 86 deputat dəstəkləyib.

Parlament sədrinin birinci müavini vəzifəsinə (birinci vitse-spiker) Gia Volski, qanunverici orqanın sədr müavinləri vəzifələrinə isə Kaxa Kuçava və David Sergeyenko seçiliblər.

Parlamentdə hakim “Gürcü Arzusu- Demokratik Gürcüstan” partiyası çoxluq fraksiyası yaradıb. 90 üzvü olan fraksiyaya Mamuka Mdinaradze rəhbərlik edəcək.

Qeyd edək ki, 37 yaşlı A.Talakvadze hakim Gürcü Arzusu Partiyasının seçki siyahısında II yerdə olub. O, 2019-cu ilin iyunundan bu ilin oktyabrın 1-dək spiker vəzifəsini tutub.

Bizim.Media