Ermənistan mina xəritələrini təhvil vermək istəmirdi - Elnur Məmmədov

“Ermənistan bir çox məsələdə olduğu kimi, mina xəritələrinin Azərbaycana təhvil verilməsi məsələsində də təəssüflər olsun ki, qeyri-səmimi mövqedən çıxış edirdi”.

Bizim.Media xəbər verir ki, bunu Xarici işlər nazirinin müavini Elnur Məmmədov Beynəlxalq Ədalət Məhkəməsinin müvəqqəti tədbirlərə dair qərarı ilə bağlı mətbuat konfransında bildirib.
 

MÖVZU İLƏ BAĞLI:

“Azərbaycanı ABŞ və Britaniyadan olan peşəkar vəkillər təmsil edib” – Nazir müavini

XİN rəsmisinin sözlərinə görə, Ermənistan tərəfi bu məsələnin ümumiyyətlə, şərh edilməsindən imtina edirdi.

“Yalnız iyun-iyul aylarında işğaldan azad edilmiş Ağdam, Füzuli və Zəngilan rayonları üzrə mina xəritələrinin təqdim edilməsi müqabilində Azərbaycanda saxlanılan və müxtəlif cinayətləri törətdiyinə görə məsuliyyətə cəlb edilən erməniəsilli şəxslərin qeyri-şərtsiz azadlığa buraxılması ilə şərtləndirilmişdi”, - deyə Elnur Məmmədov bildirib.

Bizim.Media