Daha bir rayonda yas mərasimi ilə bağlı israfçılığa YOL VERİLMƏYƏCƏK - FOTO

Oğuzda yas mərasimlərində izafi xərclərə nəzarət artırılacaq. 

Oğuzda yas mərasimlərinin keçirilməsi, bu sahədəki vəziyyətin yaxşılaşdırılması, uyğunsuzluqların aradan qaldırılması, adət-ənənələrin təkmilləşdirilməsi və onların sadələşdirilməsi istiqamətində iş aparılır.

Bizim.Media-nın yerli bürosu xəbər verir ki, Oğuz Rayon Ağsaqqallar Şurasının, İctimai şuranın, şəhid ailələlərinin üzvləri, ictimai təşkilatların nümayəndələri, din xadimləri, şəhər sakinlərinin iştirakı ilə müzakirələr keçirlib. 
 

Müzakirələrdə yas mərasimlərinin keçirilməsi ilə əlaqədar adət-ənənələrin təkmilləşdirilməsi, onların sadələşdirilməsi, bu zaman artıq məsrəflərə yol verilməsinin qarşısının alınması ilə bağlı məsələlər barədə fikir və mülahizələr, rəy və təkliflər səsləndirilib. 

Belə qərara gəlinib ki, rayon ərazisində keçirilən yas mərasimlərində xüsusi heyətlər iştirak etsin və sakinlərə əlavə və izafi xərclərin qarşısının alınmasının məqbul sayılması barədə məlumat verilsin.