"Zəngəzur dəhlizi Ermənistanla bağlı bir problem deyil".
Bizim.Media "Yeni Şafak" nəşrinə istinadən xəbər verir ki, bu barədə Türkiyə Prezidenti Rəcəb Tayyib Ərdoğan Azərbaycandan qayıdarkən jurnalistlərə müsahibəsində bildirib.
Onun sözlərinə görə, Zəngəzur dəhlizi İranla bağlı bir problemdir:
"Rəsmi Tehranın belə davranış nümayiş etdirməsi həm Azərbaycanı, həm də bizi üzür. Əslində onları da üzməlidir. Arzu edirəm ki, qısa zamanda bu problemi həll edərik. Buna müsbət yanaşsalar, bu gün həm quru yolu, həm də dəmir yolu ilə Türkiyə-Azərbaycan-İran bir-biri ilə bütövləşər və bəlkə də “Pekin-London xətti” da açılmış olar”.
Bizim.Media
