Balakəndə məktəbyaşlı uşaqların sağlam qidalanması ilə bağlı tədbir - FOTO

Hazırda oxunan: Balakəndə məktəbyaşlı uşaqların sağlam qidalanması ilə bağlı tədbir - FOTO

113644

Xəbərləri Google-da birbaşa bizim.media-dan alın Google-da bizim.media-ya abunə ol Google axtarışında bizim.media-nı seçilmiş mənbə kimi əlavə edin Abunə ol

Balakən rayon icra hakimiyyəti və Mərkəzi xəstəxanasının təşkilatçılığı ilə “Məktəbyaşlı uşaqların sağlam qidalanması” mövzusunda diskussiya keçirilib.

Bizim.Media xəbər verir ki, Balakən şəhər Nizami Gəncəvi adına şəhər 1 nömrəli tam orta məktəbdə keçirilən maarifləndirici tədbirdə müəllimlər və valideynlər iştirak edib.

Rayon mərkəzi xəstəxanasının həkim-pediatrı Laləzar Kazımova iştirakçılara balanslaşdırılmış qidalanmanın şərtləri, yeniyetmələrin sağlam qidalanmasının əhəmiyyəti haqqında məlumat verib.
Valideynlər tərəfindən uşaqlara erkən yaşlarından sağlam qidalanma vərdişlərinin aşılanmasının vacibliyi diqqətə çatdırılıb.

O bildirib ki, uşaqların sağlam bədənləri, zehni inkişafı və təhsildə uğuru üçün düzgün qidalanma zəruridir.

Tədbirin sonunda iştirakçıların sualları cavablandırılıb.

Tural Rasim oğlu, Bizim.Media, Şimal-Qərb bürosu