Qara dənizdə azərbaycanlıların olduğu gəmi BATDI - Ölən var - VİDEO

Rumıniyanın Qara dəniz sahillərində, Kostansa limanından təxminən 13 dəniz mili məsafədə "Khoryv" ticarət gəmisi batıb. 

Bizim.Media “RG.ru”ya istinadən xəbər verir ki, Rumıniya Hərbi Dəniz Qüvvələri həyəcan siqnalını səhər saat 10:00 radələrində alıb.

Göyərtədə 10-u Ukrayna, 3-ü isə Azərbaycan vətəndaşı olmaqla, ümumilikdə 13 heyət üzvü olub.
 

İlkin məlumatlara görə, xilasedicilər heyətin 9 üzvünü xilas edə biliblər. Bir nəfərin həlak olduğu, digər 3 nəfərin isə axtarışlarının davam etdirildiyi bildirilir. Əlverişsiz hava şəraitinə baxmayaraq, ərazidə genişmiqyaslı axtarış-xilasetmə əməliyyatı aparılır.

Qəzanın dəqiq səbəbləri barədə hələlik rəsmi açıqlama verilməyib. Lakin bəzi mənbələrin iddiasına görə, ticarət gəmisi pilotsuz uçuş aparatının (PUA) hücumuna məruz qalmış ola bilər.


Bizim.Media