Anar Kərimov: “Bakıda ISESCO-nun regional ofisi açılacaq”

“Hazırda bu məsələ gündəmdədir, Azərbaycanda ISESCO-nun regional ofisinin açılması ilə bağlı layihə planı artıq göndərilib. Razılaşmadan sonra rəsmi imzalanma mərasimi olacaq”.

Bizim.Media xəbər verir ki, bunu Mədəniyyət naziri Anar Kərimov Bakıda keçirilən “Mədəniyyət naminə sülh” qlobal kampaniyasının Tərəfdaşlar Forumu zamanı jurnalistlərə açıqlamasında bildirib.

Nazir həmçinin regional ofisin açılacağı yerlə bağlı da məlumat verib:

“Biz çox istəyirik ki, regional ofis Şuşada olsun, lakin hazırda aparılan infrastruktur işlərinə görə ofis Bakıda olacaq. Biz inanırıq ki, ISESCO-nun regional ofisi gələcəkdə Şuşada da fəaliyyət göstəcək. Bu da mədəniyyət paytaxtımız olan Şuşanı beynəlxalq səviyyəli şəhərlərdən birinə çevirəcək”.

Səkinə Yusibli, Bizim.Media