Rusiyalı məşhur müğənnidə yadplanetli DNT-si AŞKARLANDI

Rusiyanın Əməkdar artisti Katya Lel bildirib ki, ondan kömək istəyən insanlar müğənnidə yadplanetli DNT-si aşkar ediblər.

Bizim.Media xəbər verir ki, o, bunu “5-tv.ru”ya verdiyi müsahibədə açıqlayıb.

"Bu, özümdə kəşf etdiyim bir şey deyil, əksinə, bəlkə də kömək etdiyim insanlar məndə yadplanetli DNT-si tapıblar ", - deyə müğənni bildirib.

İfaçı həmçinin insanları sağaltmağa kömək edən bir enerjiyə sahib olduğunu söyləyib. Onun sözlərinə görə, bu enerji qeyri-adi, yerüstü mənşəlidir.

Qeyd edək ki, Katya Lel əvvəllər yuxusuzluq və baş ağrıları ilə mübarizə aparmağa, özünü pis enerjidən və pis gözdən qorumağa kömək edən kainatın verdiyi xüsusi supergüclərə sahib olduğunu etiraf etmişdi.

Müğənni bunu uzun müddət gizlətsə də, indi bir çox insan rifah halını yaxşılaşdırmaq üçün ona müraciət edir.

O, həmçinin əlavə edib ki, həyatda üzləşdiyi çətinliklərin öhdəsindən belə gəlir.

Bizim.Media