“Xilasedici” Azərbaycan çempionu oldu

Kişi voleybolçular arasında Yüksək Liqada Azərbaycan çempionu bəlli olub.

Bizim.Media xəbər verir ki, Gənclər və İdman Nazirliyinin Voleybol Mərkəzində baş tutan final matçında "Xilasedici" və "Ordu" klubları qarşılaşıb.

Bu matçda "Xilasedici" rəqibinə 3:1 (24:26, 25:16, 27:25, 25:21) qalib gəlib. Bürünc medal isə "Murov Az Terminal"a 3:0 hesabı ilə qalib gələn "Neftçi"yə təqdim edilib.

Yekunda çempionatın ən yaxşı voleybolçularının adları və mövsümün rəmzi heyəti açıqlanıb:

“Ən dəyərli oyunçu” (MVP) – Reyes Rodriges (“Xilasedici”)

“Ən gənc və perspektivli oyunçu” – Fərhat Cenkel (“Murov Az Terminal”)

Rəmzi komanda:

“Ən yaxşı toppaylayıcı” – Roman Qurskiy (“Xilasedici”)

“Ən yaxşı hücumçu” – Aleksandr Popleteev (“Xilasedici”)

“Ən yaxşı hücumçu” – Willian Rabel (“ORDU”)

“Ən yaxşı libero” – Kənan Allahverdiyev (“ORDU”)

“Ən yaxşı orta oyunçu”– Gustavo Almora (“Xilasedici”)

“Ən yaxşı orta oyunçu”– Carabali Aleksadr (“Neftçi”)

“Ən yaxşı diaqonal oyunçu” - Romero Jose (“Neftçi”)

Rəşad Rafiqoğlu, Bizim.Media