“Qarabağ” bu futbolçunu transfer etmək İSTƏYİR

“Qarabağ” Bolqarıstanın “Levski” klubunun hücumçusu Mustafa Sanqarenin transferində israrını davam etdirir. 

Bizim.Media xəbər verir ki, bu barədə Afrika mətbuatı məlumat yayıb.

Bildirilir ki, Mali millisinin futbolçusunu mövsümün sonunda heyətinə qatmaq Azərbaycan çempionu üçün prioritetdir.

“Qarabağ” 27 yaşlı forvardı ölkəmizə gətirməyə razı salmağa çalışır. Ağdam təmsilçisi eyni anda “Levski” ilə də danışıq aparır.
 

Müqavilənin detallarında Sanqare ilə ortaq məxrəcə gəlinsə, Bolqarıstan klubu ilə danışıqlar intensivləşəcək. Çünki Sanqarenin “Levski” ilə sözləşməsi 2027-ci ilin yayına qədərdir. Hazırkı durumda hücumçunun transfer dəyəri 1,5 milyon avroya bərabər göstərilir.

Qeyd edək ki, Mustafa Sanqare 2024-cü ildən “Levski”nin formasını geyinir.

Bizim.Media