Virtualaz.org saytı srağagün Bakıda I Avropa Oyunlarının könüllülərinə və Azərbaycan milli yığmasının idmançılarına həsr olunan könüllülərin paradında Azərbaycan bayraqlarının ayaqlar altında tapdanması ilə bağlı informasiya verib və və bir neçə foto paylaşıb. Yazıda əksini tapan fotolarda yerə atılan bayraqların tapadalandığı əks olunur.
Moderator.az olaraq sözügedən saytda yer alan
məlum informasiyanı dəqiqləşdirmək, həmin bayraqların dünənki parada məxsusluğunu
müəyyənləşdirmək üçün Gənclər və İdman Nazirliyinin mətbuat xidməti ilə əlaqə
saxladıq. Lakin mətbuat xidməti bununla bağlı Azərbaycan Gənclər Fondu ilə əlaqə
saxlamağı məsləhət gördü. Maraqlıdır ki, Azərbaycan Gənclər Fondu da məsələ ilə
bağlı açıqlama verməkdən imtina etdi.
Bir sözlə, ayaqlar
altında qalan bayraqlara sahib çıxan, bu informasiyanı təsdiq və ya təkzib edən
tapılmadı.
