Yəmən sahillərində neft tankeri HÜCUMA məruz qaldı

Yəmən sahillərində naviqasiya təhlükəsizliyinə təhdid yaradan növbəti insident qeydə alınıb.

Bizim.Media xəbər verir ki, Böyük Britaniya Hərbi Dəniz Qüvvələrinin tabeliyindəki Dəniz Ticarət Daşımalarının Əlaqələndirilməsi Mərkəzi (UKMTO) xəbər verir ki, hücum Yəmənin Ədən liman şəhərindən 95 dəniz mili cənub-şərqdə qeydə alınıb.

Mərkəzin rəsmi hesabatında qeyd olunur ki, tankerin kapitanı gəminin bilavasitə yaxınlığında güclü partlayış səsi eşitdiyini bildirib.
 

Hadisə rəsmi olaraq "hücum" kimi təsnif edilsə də, ilkin məlumatlara görə, partlayış nəticəsində gəmiyə ciddi ziyan dəyməyib və heyət üzvlərindən xəsarət alan olmayıb.

Xatırladaq ki, bu hadisədən bir gün əvvəl Hindistana məxsus "Faize Noore Oliya" adlı yük gəmisi Yəmən suları yaxınlığında dəniz minası daşıyan (kamikadze) katerin hücumuna məruz qalaraq batıb. Həmin hadisə zamanı Yəmən Sahil Mühafizəsi tərəfindən xilas edilən Hindistan ekipajı tam heyətlə Moha limanına təxliyə olunub.

Bizim.Media