Yaxın zamanlarda Macarstanın və Türkmənistanın Türkdilli Dövlətlərin Əməkdaşlıq Şurasına (TDƏŞ) üzv olması istiqamətində danışıqlara başlanacaq. Bunu Moderator.az-a açıqlamasında TDƏŞ Baş katibi Ramil Həsənov deyib.
Onun sözlərinə görə, TürkPA-nın Bakıda keçririlən plenar
sessiyasında Macarstan parlamenti qurumun toplantılarında iştirak etmək üçün
müşahidəçi statusu
aldı:
“
Hal-hazırda TDƏŞ-ə üzv ölkə rəhbərlərinin razılığı ilə Macarstan tərəfi ilə
danışıqlar aparmaq niyyətindəyik. Çünki macarlar özlərini qədim türklər olan hun
əsilli türk olduqlarını bəyan edirlər və türk dünyası ilə əməkdaşlığa can
atırlar. Biz də dostluq və sülh evi kimi fəaliyyət göstərən beynəlxalq
təşkilat olduğumuzdan heç bir dini, milli irqçiliyə yol vermədən, dost və tərəfdaş
olan Macarstanla əməkdaşlıq etmək üçün danışıqlara start verəcəyik.
Danışıqların nəticəsi olaraq yaxın zamanlarda Macarstanla TDƏŞ arasında hansısa
formada əməkdaşlıq formatı yaranacaq.”
Baş katib Macarstanın TDƏŞ-ə tamhüquqlu üzvün də olmasını
istisna etmədi:
“Bu, istisna deyil. Bunun üçün TDƏŞ-in ən ali orqanı olan
prezidentlərin ali şurası qərar verməlidir. Biz sadəcə icraçıyıq və qəbul
ediləni icra eməklə məşğuluq.”
Türmənistanın quruma üzvlüyünə gəldikdə isə Baş katib
bildirdi ki, Türkmənistan prezidenti Qurbanqulu Berdimuxammedov TDƏŞ dövlət
başçılarının bu ilin yayında Bodrumda keçirilən Zirvə toplantısında iştirak
edib və təşkilatla sıx əməkdaşlıqda maraqlı olduğunu bəyan edib: “Hazırda bu
istiqamətdə işlər gedir. Ümid edirik ki, Türkmənistan da
yaxın gələcəkdə təşkilata üzv olacaq və aktiv fəaliyyət göstərəcək.”
