"Borçalı" Cəmiyyətinin sədri Zəimxan Məmmədli də son zamanlar müxalif düşərgədə yaşananlardan təəssüf hissi keçirənlərdəndir. Moderator.az-a açıqlamasında Zəlimxan bəy hikkəylə deyil, sağlam məntiqlə çıxış yolları aranması tövsiyyəsini verdi:
"Zaman-zaman bu fikri təkrarlamaqdan
yorulmamışam - Nə qədər ki, siyasi mübarizədə ideologiyalar, konsepsiyalar
liderlərin əsarəti altındadır inkişaf, sivil siyasi sistem qura bilməyəcəyik.
Liderlərin hikkəsi və özəl maraqlar öndə olacaq, milli maraqlar spekulyasiya
mənbəyinə çevriləcək. Mahiyyətcə bu gün o xətanın təzahürləri görünür. Əgər
Milli Şura fundamental prinsiplər əsasında yaransaydı bu problemlər
yaşanmayacaqdı. Təəssüf ki, bu səbəblər üzündən cəmiyyətimiz zaman-zaman bu
məyusluğu yaşamaq zorunda qalır. Təklif etsəm ki,Milli Şura dözümlü olsun, partiyalarda
ciddi struktur və siyasi mexanizmlər qurulması istiqamətində islahatlara start
verilsin, sağlam dialoqlara gedilsin, CƏMİYYƏTDƏ ETİMAT İDEYASINA dəstək verin və s.
- topa tutacaqlar. Çünki meydanı sağlam təfəkkürdən daha çox emosiyalar,
hikkələr idarə edir. Təbii ki, burada kənar-III tərəfin də mənfi, öz
maraqlarına uyğun təsiri sezilməkdədir. Liderlər bu fürsəti hər zaman pusquda
durmuş destruktiv cərəyanlara meydan verməməli idilər. Veriblərsə həm elektoral
baza, həm xalq, həm də tarix qarşısında ciddi məsuliyyət daşıyırlar. Allah
millətimizə öz taleyini müəyyənləşdirməkdə güc versin."
