AMİP Mərkəzi Şurasının üzvü Əli Orucov son günlər mətbuatın əsas gündəm mövzusunu ”“Müsavatın Milli Şuranı tərk etməsini öz arşını ilə ölçüb və Etibar Məmmədovun adının hallandırılmasına çox kəskin münasibət bildirib:
"Mətbuatdan oxudum ki, Müsavat başqanının
həbsdə olan müavini Tofiq Yaqublu partiyasının Milli Şuradan çıxması barədə qərarından
üzülüb. Tofiq bəyin də
bu üzüntüsünü "Yeni Müsavat" qəzetinin baş yazarı Rauf Arif oğlu
"anlamaq dərdi" ilə qarşılayıb və qəlbinin dərinliklərindən kecənləri
qələmə alıb. Etibar Məmmədovun adını da öz ənənəsinə uyğun olaraq çəkib bu
yazısında. Lakin görünən o ki, Rauf bəy dərd çəkmirmiş, həm də dərdə düşübmüş.
O təkcə Tofiq Yaqublunun deyil, (Allah və hakimiyyət tezliklə onun qapısını açsın) hətta
prezident İlham Əliyevin də, Ramiz Mehdiyevin də, Ramil Usubovun da, lap elə
nehrəmli Hacı İbrahimin də dərdini çəkməkdədir. Bu qədər yükü görəsən hörmətli
baş yazar necə daşıyır? Atalar demişkən, "Allah da dərdi "dərd çəkənə"
verər". Sizin də qismətinizə belə yazılıbmış”.
R.Arifoğlunun
Müsavat Partiyasının başqani İ.Qəmbəri “ölkədə azsaylı strateqlərdən biri kimi
qiymətləndirməsi”nə isə Əli Orucov bu cür münasibət bildirdi: “ Bu barədə
Rauf bəyin fikri ilə razıyam. Doğrudan da Azərbaycan müxalifəti daxilində
parçalanma və gərginlik yaratmaq, müttəfiqlərini
yarı yolda qoymaq, imzasından qaçmaq, eləcə də
həmişə korporativ maraqları hər şeydən üstün tutmaq üzrə hörmətli İsa bəy
çöx güclü strateqdir. Bunu Rauf bəy deməsə də ölkədə demək olar ki, hamı bilir. Fürsətdən istifadə edərək onu da
bəzi şəxslərin diqqətinə çatdırmaq istərdim ki, bizləri bitib-tükənməyən öz
münaqişənizə, “razborkalarınıza” və intriqalarınıza qatmayın. Onsuz da sizlər
belə şeylərə öyrəncəlisiniz”.
