Dünən Rusiya paytaxtında daha bir ticarət mərkəzinin yandığı xəbəri Orxan Zeynalov olayından sonra qulağı səsdə olan Azərbaycan mətbuatının gündəmi zəbt elədi. Məsələ burasındadır ki, bir neçə il öncə məhşur “Çerkizov” bazarı bağlandıqdan sonra bu baza Moskvanın ən böyük meyvə-tərəvəz bazası hesab olunurdu və demək olar ki, əsasən azərbaycanlılar orda ticarətlə məşğul idilər.
Rusiya KİV-ləri isə
yanğından dərhal sonra
xəbər yaydılar ki, “Sadovod” ticarət mərkəzi
əslən Azərbaycandan olan yəhudi əsilli
iş adamları Zarax Əliyevə və Qod Nisanova məxsus olub.
Moderator.az Rusiya KİV-lərində yayılmış bu xəbəri
dəqiqləşdirmək üçün millət vəkili
Yevda Abramova müraciət
edib. Yəhudi əsilli deputat saytımıza
açıqlamasında etiraf edib ki, doğrudan da adı çəkilən
soydaşları həmin
bazarda müəyyən pay sahibi olub: “Ancaq
bütünlükdə bazarın
yalnız onlardan ikisinə
məxsus
olması barədə xəbər
yalandı. Onlar sadəcə müəyyən
pay sahibi olublar və
əlavə olaraq həmin bazarda pay sahibi olan xeyli adam olub.”
Deputatdan mətbuatda bu yanğının təxribat nəticəsində baş verdiyi barədə də
həm Rusiya,
həm də Azərbaycan mətbuatında yayılan xəbərlərə aydınlıq gətirdi: “Mən bu yanğının təxribatın nəticəsi
olduğuna inanmıram. Texniki nasazlıqdan və ya təhlükəsizlik qaydalarına riayət edilmədiyindən
baş verməsi də mümkündür. İndiki həssas dönəmdə bu cür fikirləri tirajlamaqla ikitərəfli
münasibətlərimizi zərbə altına qoymaq olmaz.”
