"Hadisələrin heç birini təsadüfi saymaq olmaz..." -Deputatdan partlayışa reaksiya

"Bir müddət öncə Şirvanda silah anbarında partlayış oldu və nəticədə külli miqdarda silah-sursat havaya uçuruldu. Ardınca ordudakı casus şəbəkəsi birbaşa cəhbə bölgəsində ifşa olundu, bəzi hərbçilərin ermənilərlə birlikdə törətdikləri binamus hərəkətlərin üstü açıldı, ardınca da Xızıda N saylı hərbi hissənnin silah anbarında dəhşətli partlayış baş verdi...Nələr baş verir, düşmən qüvvələri Azərbaycan üzərində hansı oyunu oynayırlar, orduda olan təxribatçı qüvvələr bununla hansı mesajı vermək istəyirlər, açığı üzərində düşünməmiz lazım. Bu hadisələrin heç birini təsadüfi saymaq olmaz, səhlənkarlıq ehtimalı da böyük deyil, kənardan idarə olunan güclərin, casus şəbəkəsinin Azərbaycan ordusunun potensialını sarsıtmağa yönəlmiş hərəkətinə bənzəyir. Allah bu milləti və dövləti qorusun, ümid edək ki, tələfat olmaz, yaralananlar da vaxtında şəfa taparlar. Ancaq burada təxribat versiyası ciddi araşdırılmalıdır, çox ciddi şəkildə araşdırılmalıdır. Hadisə ilə bağlı müvafiq dövlət orqanları əllərindən gələni edirlər, ölkə prezidentinin tapşırığı ilə müvafiq komissiya da yaradıldı, vətəndaşların köçürülməsi işi də vaxtında təmin edildi. Ümid edək ki, bu fəlakətin qarşısını yaxın zamanarda almaq mümkün olacaq. Üzüntülü bir gün, ürək ağrıdan bir xəbər."