"OpenAI" şirkətinin "GPT-6 Astra" süni intellekt modeli alimlərin və kriptoqrafların 200 ildən artıq müddətdə oxuya bilmədiyi Napoleon Bonapartın məxfi şifrəli məktubunu cəmi 6 saat ərzində tam deşifrə edib.
Bizim.Media xəbər verir ki, mürəkkəb kodlaşdırma sistemi ilə yazılmış bu tarixi sənəd 1809-cu ilə aid idi və özündə yüzlərlə rəqəm, hərf və xüsusi simvolları ehtiva edirdi.
"SentinelOne" şirkətinin mühəndisi Karter Çörç tərəfindən tətbiq edilən süni intellekt modeli tərəfindən oxunan məktub Fransanın imperatoru Napoleonun tapşırığı ilə ögey oğlu Ejen tərəfindən general Oqüst de Marmona ünvanlanıb.
1300-dən çox simvoldan ibarət olan məxfi mətndə o dövrdə Xorvatiya ərazisində təcrid olunmuş vəziyyətdə qalan fransız qoşunları ilə Avstriya ordusunun yerləşməsi, canlı qüvvə sayları barədə kritik kəşfiyyat məlumatları yer alıb.
Eyni zamanda məktubda general Marmona təcili olaraq yürüşə hazırlaşmaq və əsas fransız qüvvələrinə qoşulmaq əmri verilib. Açılan bu şifrə tarixi faktları yenidən işıqlandırmaqla yanaşı, süni intellektin mürəkkəb kriptoqrafik tapşırıqları həll etmək imkanlarının nə dərəcədə yüksəldiyini nümayiş etdirib. (Musavat.com)
Bizim.Media
