84 yaşlı qadın sağ olduğunu sübut edə bilmir

Floridada yaşayan və səhvən ölmüş elan edilən 84 yaşlı Prisilla Slek (Priscilla Slack) iki ildən artıqdır ki, dövlət qurumlarına hələ də sağ olduğunu sübut edə bilmir.

Bizim.Media xəbər verir ki, bu barədə xarici KİV yazıb.

Qəribə səhv təxminən iki il əvvəl həyat yoldaşı vəfat edərkən baş verib. Sosial Təminat Administrasiyası səhvən ərinin deyil, məhz Prisillanın özünün öldüyünü qeydiyyata alıb.

Nəticədə onun bank hesabı və kredit kartları bağlanıb, səsvermə hüququ ləğv edilib, daha sonra isə Vergi Xidməti (IRS) ona problemlər yaratmağa başlayıb.

Qurum iddia edir ki vəfat etmiş şəxs sosial təminat nömrəsi ilə vergi bəyannaməsi verib.

Slek qurumlar arasındakı bürokratik səhvlər ucbatından uzun müddətdir bu dolaşıqlığı həll edə bilməyib.

Bizim.Media