Şimali Kipr sahillərində batan gəmi ilə bağlı xilasetmə əməliyyatı davam edir.
Bizim.Media xəbər verir ki, Şimali Kipr Türk Cümhuriyyətinin (ŞKTC) Baş naziri Ünal Üstel indiyə qədər 172 nəfərin xilas edildiyini, 6 nəfərin öldüyünü açıqlayıb.
Bu arada gəminin batmasına dair ilkin ehtimal məlum olub. Ünal Üstel bildirib ki, iki ardıcıl dalğa zərbəsindən sonra gəmiyə su dolmağa başlayıb.
Türkiyənin NTV telekanalının xəbərinə görə, gəmi öncə yan tərəfə yatıb, daha sonra isə tərsinə çevrilib. Gəmin çevrilməsinin sərnişinlərin bir qisminin göyərtədən çıxmasına da mane ola biləcəyi və məhz bu amilin qurbanların sayını artıra biləcəyi bildirilir.
Bizim.Media
