Yaponiya Baş naziri Sanae Takaiçi Rusiya Prezidenti Vladimir Putinin mübahisəli Kuril adalarına ilk səfərini “tamamilə qəbuledilməz” adlandırıb.
Bizim.Media xəbər verir ki, Putin avqustun 13-də Yaponiyada Etorofu adlandırılan İturup adasına səfər edib.
Ada Rusiya ilə Yaponiyanın ərazi mübahisəsi yaşadığı Cənubi Kuril adalarından biridir.
Takaiçinin sözlərinə görə, səfər yapon cəmiyyətində Rusiyaya münasibəti daha da pisləşdirib. O, Tokionun adaları tarixi baxımdan və beynəlxalq hüquqa əsasən Yaponiyanın əzəli ərazisi hesab etdiyini bildirib.
Yaponiyanın xarici işlər naziri Tosi Motsuqi də Putinin səfərinə etiraz edib.
Bizim.Media
