Mərkəzi Asiyanın ən böyük pop-mədəniyyət festivalı olan “Comic Con Astana 2026”nı 80 minə yaxın insan ziyarət edib.
Bizim.Media Astana şəhər administrasiyasına istinadla xəbər verir ki, sayca 5-ci yubiley festivalı layihənin bütün tarixi ərzində ən genişmiqyaslı tədbir olub, 4 gün ərzində festivalı 40-dan çox ölkədən 12 mindən artıq xarici qonaq ziyarət edib.
Tədbirlər paytaxtın 2 ən böyük məkanında - “Barys Arena”da və “Alau” buz sarayında keçirilib. Festivalın ilk günündə 16 mindən çox insan iştirak edib ki, bu da layihənin bütün tarixində ilk gün üçün ən yüksək göstəricidir.
Əsas tədbirlərdən biri mükafat fondu 20 milyon tenge (təxminən 41 min dollar) təşkil edən beynəlxalq kospley müsabiqəsi olub. Finala 20-dən çox ölkədən 64 iştirakçı çıxıb, qaliblər 20 nominasiya üzrə müəyyənləşdiriliblər.
Bizim.Media
