Şimali Koreya Rusiyada Ukraynaya qarşı zərbələrdə istifadə olunacaq öz raket bölməsini yerləşdirməyə hazırlaşır.
Bizim.Media xəbər verir ki, bu barədə “Reuters” agentliyi Ukrayna Müdafiə Nazirliyinin Baş Kəşfiyyat İdarəsinə (QUR) istinadən məlumat yayıb.
Voronej vilayətində təxminən 90 şimali koreyalı hərbçidən ibarət bölmənin hazırlanması aparılır. Bölmənin altı raket buraxılış qurğusu və 120-dək ballistik raket əldə edə biləcəyi bildirilir.
Qeyd olunur ki, Pxenyan bundan əvvəl də Moskvaya yeni raket partiyası göndərib. Söhbət KN-23 və KN-24 tipli 40 ballistik raketdən, eləcə də Rusiyaya hərbi heyətin göndərilməsindən gedir.
Bizim.Media
