İşğal altında olan Krım yarımadasında enerji təchizatı sisteminə növbəti zərbələr endirilib.
Ukrayna Müdafiə Qüvvələrinin həyata keçirdiyi əməliyyat nəticəsində yarımadanın enerji təhlükəsizliyi üçün mühüm əhəmiyyət kəsb edən daha iki yarımstansiyanın vurulduğu bildirilir.
Bizim.Media xəbər verir ki, ilkin məlumatlara görə, gecə saatlarında baş verən hücumun hədəfləri 220 kV-luq “Bağçasaray” və 110/35/10 kV-luq “Zimino” yarımstansiyaları olub.
Əməliyyatın nəticələri peyk görüntüləri ilə də öz təsdiqini tapır. 2025-ci ilin iyul ayı ilə cari ilin iyul ayının peyk şəkillərinin müqayisəsi yarımadada enerji böhranının miqyasını açıq şəkildə nümayiş etdirir.
Gecə saatlarında əldə edilən görüntülərdə Krım ərazisindəki süni işıqlandırmanın kəskin şəkildə azaldığı müşahidə olunur ki, bu da strateji infrastruktur obyektlərinə dəyən zərərin ciddiliyindən xəbər verir.
Rəsmi qurumlar hələlik hadisə ilə bağlı detalları dəqiqləşdirir.

Bizim.Media



































































































