Pezeşkian Firvosinin "Şahnamə"sindən sitat gətirdi: "İran olmasa..." - FOTO

İran prezidenti Məsud Pezeşkian sosial mediada Fars Dili Gününü qeyd etmək və böyük şair Firdovsini anmaq üçün bir mesaj paylaşaraq, ölkənin milli kimliyinin qorunmasında dil və ədəbiyyatın əhəmiyyətini vurğulayıb.

Bizim.Media xəbər verir ki, sözügedən paylaşımı “X” sosial media hesabında edib.

Pezeşkian açıqlamasında “Şahnamə”dən məşhur sətirləri sitat gətirib:

"İran olmasa, bədənim də olmasın, Bu yurd və bu torpaqda bircə can belə qalmasın".

İran prezidentinin sözlərinə görə, Firdovsi öz "Şahnamə"si ilə İranın tarixi və mədəni irsində özünəməxsus iz qoyub, qəhrəmanlıq anlayışını isə ədalət ideyası ilə zənginləşdirib.

Pezeşkiyan qeyd edib ki, bu gün də İran övladları, qədim eposun qəhrəmanları kimi, zalımların qarşısında öz ölkələrinin təhlükəsizliyinin və ləyaqətinin keşiyində dururlar.


Bizim.Media