Milyoner və biohaker Bryan Johnson sosial şəbəkədə etdiyi paylaşımla gündəmə gəlib.
Bizim.Media xəbər verir ki, bu barədə xarici KİV məlumat yayıb.
“Don’t Die: The Man Who Wants to Live Forever” sənədli filmi ilə tanınan Conson şəxsi həyatı ilə bağlı həddindən artıq açıq paylaşımlar edib. O, X platformasında tərəfdaşı və layihə üzrə həmtəsisçi Keyt Tolo ilə münasibətlərinə dair intim detalları açıqlayıb.
Paylaşım qısa müddətdə 5 milyondan çox baxış toplayaraq sosial şəbəkələrdə geniş rezonans doğurub. İstifadəçilər bu cür açıq etirafları “uyğunsuz” və “sərhədləri aşan” kimi qiymətləndiriblər.
Bununla yanaşı, Conson tərəfdaşının sağlamlıq göstəriciləri ilə bağlı da məlumat paylaşıb ki, bu da müzakirələri daha da alovlandırıb.
Keyt Tolo isə müzakirələrə qoşularaq bəzi mövzuların cəmiyyətdə kifayət qədər açıq danışılmadığını bildirib.
Qeyd edək ki, Bryan Johnson uzunömürlülük üzrə “Blueprint” layihəsi ilə tanınır və insan ömrünü maksimum uzatmaq məqsədilə müxtəlif eksperimentlər aparır.
Bizim.Media
