Ukrayna ardıcıl ikinci gecə Samara vilayətinə zərbə endirir: Ölən var - VİDEO

Rusiyanın Samara vilayətinin Novokuybışevsk şəhərində Ukrayna pilotsuz uçuş aparatlarının sənaye müəssisəsinə hücumu nəticəsində bir nəfər ölüb, yaralananlar var.

Bizim.Media xəbər verir ki, bu barədə vilayətin qubernatoru Vyaçeslav Fedorışev məlumat verib.

Qubernator hücumun hansı obyektə edildiyini dəqiqləşdirməyib.

Ukrayna teleqram kanallarının yaydığı məlumata görə, zərbə Novokuybışevsk Neft-Kimya Şirkətinə dəyib. Bildirilir ki, burada metil-tert-amil efirinin istehsalı qurğusuna ziyan dəyib.

Bundan başqa, dronlardan birinin qalıqları Samara şəhərində yaşayış binasının damına düşüb. Nəticədə bir nəfər xəstəxanaya yerləşdirilib.

Həmçinin Kstovo rayonundakı “Qorki” neftötürmə stansiyasına da pilotsuz aparatlarla hücum edildiyi bildirilir.


Bizim.Media