ABŞ-ın Florida ştatının Tampa şəhəri yaxınlığında yüngül mühərrikli təyyarə evin üzərinə düşüb.
Bizim.Media xəbər verir ki, bu barədə “CBS News” məlumat yayıb.
Məlumata görə, Tampa Şimali Hava Limanından havaya qalxan “Cessna” təyyarəsi yerli vaxtla səhər saat 8:35 radələrində naməlum şəraitdə qəzaya uğrayıb. Təyyarədə olan yeganə şəxs pilot olsa da, o, qəzadan sağ çıxa bilməyib.
Təyyarə qəzaya uğradıqdan sonra yanğın baş verib və evə ziyan dəyib.
Hazırda təyyarə qəzası ilə bağlı araşdırma aparılır.
Bizim.Media
