Çeçenistan prezidenti Ramzan Kadırov öz postunda qala bilər.
Kadırov Rusiya prezidenti Vladimir Putindən vəzifə müddətinin uzadılması üçün icazə alaraq respublikanın rəhbərliyi uğrunda mübarizə aparacaq.
Bu barədə prezident administrasiyası və respublika rəhbərliyinə yaxın olan 3 mənbə bildirib.
Məlumata görə, Kadırov sentyabrda keçiriləcək prezident seçkilərində iştirak edəcək.
Xatırladaq ki, Çeçen lider bir neçə gün öncə açıqlamasında prezident postundan getmək istədiyini bildirmişdi: “Prezident seçiləndən sonra respublikaya rəhbərlik etdiyimiz kimi vaxt gələndə o postu tərk etməyi də bacarmalıyıq”x9d.
O, həmçinin bu mövzuda Vladimir Putinin istənilən qərarına da hörmət edəcəyini qeyd etmişdi. (qafqazinfo)
