Husilər Bab əl-Məndəb boğazındakı strateji adanı ƏLƏ KEÇİRDİLƏR – FOTO

Yəməndə husilər Bab əl-Məndəb boğazının mərkəzində yerləşən strateji Perim adasını ələ keçiriblər.

Bizim.Media xəbər verir ki, bu barədə CNN Yəmən hökumətindəki mənbələrə istinadla məlumat yayıb.

Bildirilib ki, adaya nəzarətin ələ keçirilməsi husilərə mühüm beynəlxalq gəmiçilik marşrutlarından birinə nəzarət imkanı yaradır. Bu marşrutla hər gün böyük həcmdə yük, o cümlədən milyonlarla barel neft daşınır.

“Əl-Ərəbiyyə” telekanalı isə husilərin Yəmənin Qırmızı dəniz sahilinin Bab əl-Məndəbədək olan hissəsində bir sıra ərazilərə nəzarəti ələ keçirdiyini bildirib.

Husi hərəkatının sözçüsü Yəhya Səri Səudiyyə Ərəbistanına bağlı gəmilər istisna olmaqla, Yəmən ətrafındakı gəmiçilik yollarının digər gəmilər üçün açıq olduğunu açıqlayıb.


Bizim.Media