“Süni intellekt bu onilliyin sonuna qədər hamımızı öldürə bilər” – OpenAI-nin tədqiqatçısı

“Yaxın 10 ilə süni intellekt nəzarətdən çıxacaq”. 

Bizim.Media xarici mətbuata istinadən xəbər verir ki, bu futuristik proqnozu OpenAI-nin keçmiş tədqiqatçısı Daniel Kokotaylo verib. 

Onun sözlərinə görə, şirkətlər süni intellekti (Sİ)-i inkişaf etdirmək üçün böyük bir yarışa başlayıblar - bu, qlobal miqyaslı fəlakətlə nəticələnə biləcək bir işdir.
 

Onun fikrincə, "superintellekt" öz imkanlarına görə istənilən fərddən, şirkətdən və ya millətdən üstün olan Sİ sistemi kimi müəyyən edilə bilər. Nəzəri olaraq, bu cür texnologiyalar mövcud təhlükəsizlik tədbirlərini aşa və əhəmiyyətli resurslar və infrastruktur üzərində nəzarəti ələ keçirə bilər.

"Süni intellekt quran insanlar əslində bilirlər ki, bu onilliyin sonuna qədər hamımızı öldürə bilər", - deyə o, vurğulayıb.

O əlavə edib ki, bu, sadəcə marketinq mübaliğəsi deyil; bir çox texnologiya rəhbəri şəxsi söhbətlərdə oxşar narahatlıqlarını ifadə edir. Lakin potensial riskləri etiraf etsələr də, məqsədlərinə ilk çatan olmağa çalışaraq süni intellekt liderliyi uğrunda yarışda iştirak etməyə davam edirlər.

Bizim.Media