Son məlumata görə, artıq azyaşlılar Sosial Xidmətlər Agentliyinin müəssisəsinə gətiriliblər.
Bundan sonra onlar məişət zorakılığından zərərçəkənlərlə bağlı xüsusi şöbədə Agentliyin peşəkar mütəxəssislərinin iştirakı ilə reabilitasiya prosesi keçəcəklər.
Prosesin davamında uşaqların reabilitasiyasının nəticəsinə uyğun olaraq onların rifahı üçün aidiyyatı tədbirlər görülməsi barədə qərar qəbul ediləcək.
***
Şamaxının İkinci Çaylı kəndində baxımsız vəziyyətdə qalan azyaşlılar məişət zorakılığı ilə üzləşdiyi müəyyən edildiyindən onlar Əmək və Əhalinin Sosial Müdafiəsi Nazirliyinin tabeliyində Sosial Xidmətləri Agentliyinin Həssas əhali qruplarından olan şəxslər üçün sığınacaq və sosial reabilitasiya müəssisəsinə yerləşdiriləcək.
Bizim.Media xəbər verir ki, bu barədə Agentliyin mətbuat katibi Murad Həşimov məlumat verib.
MÖVZU İLƏ BAĞLI:
DİN-dən Şamaxıda acınacaqlı durumla üzləşən uşaqlarla bağlı AÇIQLAMA – VİDEO
O qeyd edib ki, onlar məişət zorakılığından zərərçəkənlərlə bağlı xüsusi şöbədə reabilitasiya prosesi keçəcəklər:
"Prosesin davamında uşaqların reabilitasiyasının nəticəsinə uyğun olaraq onların rifahı üçün aidiyyatı tədbirlər görülməsi barədə qərar qəbul ediləcək".
Bizim.Media
