Moderator.az xəbər verir ki, “Sağlam qidalan ”“ sağlam ol” layihəsi Azərbaycan Gənclər İttifaqı tərəfindən bu ilin iyul ayından Azərbaycan Respublikası Gənclər və İdman Nazirliyi tərəfindən dəstəklənərək həyata keçirilməyə başlayıb.
Layihənin məqsədi gənc nəslin qidalanmasının
monitorinqini təşkil etməklə, sağlam qidalanmanın əhəmiyyəti barədə şagirdlər,
tələbələr, müəllimlər və valideynlər arasında sağlam qida ilə əlaqədar məlumatlandırılması
və marifləndirilməsindən ibarətdi.
Layihə
3 ay müddətində Bakının Xəzər, Sabunçu
və Suraxanı rayonlarında həyata keçirilir. Bu müddət ərzində nəzərdə tutulmuş paylama materialları
hazırlanmışdı. Həmin vəsaitlər sonra təlimlərdə və seminarlarda iştirak edən
dinləyicilər arasında yayıldı, eləcə də, layihənin başa çatmasından sonra
onları yuxarıda adlaır qeyd edilən ərazilərdəki müxtəlif təhsil müəssisələrinin
kitabxanalarına veriləcək.
Bakı
şəhərinin Xəzər rayonu, Sabunçu
rayonu və Suraxanı rayonu ərazisində müxtəlif təhsil ocaqlarında
oxuyan yeniyetmə və gənclər arasında düzgün qidalanma üzrə təlimlərə dinləyici
seçiminin ilkin mərhələsində 6 belə təhsil ocağı seçildi. Seçilmiş 6 təhsil
ocağının rəhbərliyi və düzgün qidalanma üzrə təlimlərdə, bu layihədə iştirak
etmək marağında olan gənclərlə görüş təşkil olundu. Görüşün nəticəsi olaraq,
layihənin işçi qrupu və müvafiq pedagoji heyətinin rəyi ilə təlimlərdə iştirak
üçün qruplar müəyyən edildi. Formalaşmış qruplarda (hər bir qrupda 20 nəfər
yuxarı sinif şagirdləri) arasında düzgün qidalanma ilə əlaqədar olaraq,
sentyabr ayı ərzində təlimlər keçiriləcəkdir. Təlimlər “Düzgün qidalanma
haqqında məlumat”, “Düzgün qidalanmanın əsas üstünlükləri”, “Düzgün qidalanma
üzrə tətbiq edilən mexanizmlər”, “Sağlan qidanın vacibliyi”, “Düzgün qidalanma
“piramidası” barədə”, “Fast-fudların ziyanı”, “GMO nədir və onların insan
orqanizminə təsiri” mözvuları əhatə edəcək. Təlimlərdə iştirak etmiş gənclər
üçün düzgün qidalanma haqqında fikirləri və meyarları özündə cəmləyən kiçik
formatlı məlumat toplusu kimi hazırlanmış Yaddaş Vərəqi də təqdim olunacaq.
Təlimlərdən sonra hər seçilmiş təhsil ocağında
düzgün qidalanma ilə əlaqədar təlimləri bitirənlər arasında daha fəal olanların
iştirakı ilə seminarın təşkili planlaşdırılır. Tədbirə hər qurumdan 5 dinləyici
cəlb ediləcək. Seminarda təlimlər barədə rəylərin bildirilməsi, düzgün
qidalanma sahəsində praktiki fəaliyyətə başlamanın detallarının diskussiyası və
qazanılan biliklərin tətbiqi istiqamətində gələcək planların müzakirə edilməsi
nəzərdə tutulub.
Qeyd
etmək lazımdır ki, layihə “Azərbaycan gəncliyi 2011-2015-ci illərdə” Dövlət
Proqramının Dövlət Proqramının həyata keçirilməsi üzrə Tədbirlər Planının
“6.6.Gənclərin sağlamlığının qorunması və həssas qruplardan olan gənclərin dəstəklənməsi”
bəndinin “- 6.6.3. sağlam həyat tərzi və reproduktiv sağlamlıq sahəsində
maarifləndirmə işinin genişləndirilməsi” yarımbəndində nəzərdə tutulan fəaliyyətlərin
icrasına yönəlib.
Layihə
bu ilin sentyabr ayının sonunda başa çatacaq.
