Putin: “Məqsəd rusiya cəmiyyətini parçalamaqdır”

Ukrayna Silahlı Qüvvələri (USQ) Rusiya cəmiyyətini parçalamaq üçün təyyarə tipli pilotsuz uçuş aparatlarından (PUA) Rusiyanın daxili ərazilərinə zərbələr endirmək məqsədilə istifadəni genişləndirir.

Bizim.Media xəbər verir ki, bunu Rusiya Prezidenti Vladimir Putin xüsusi hərbi əməliyyat iştirakçıları ilə görüşündə bəyan edib.
 

"Məqsəd Rusiya cəmiyyətinə parçalanma gətirmək, bizə mənəvi və psixoloji ziyan vurmaq, Rusiya vətəndaşları arasında müəyyən çaşqınlıq yaratmaq və iqtisadi zərər vurmaqdır", — deyə o bildirib.

Dövlət başçısı Kiyevin heç nəyə nail ola bilməyəcəyini vurğulayıb.

Putinin sözlərinə görə, mövcud vəziyyət xüsusi diqqət və əlavə tədbirlərin görülməsini tələb edir. O qeyd edib ki, Rusiyanın hava hücumundan müdafiə (HHM) sisteminin gücləndirilməsi ilkin vəzifə olmalıdır.

Bizim.Media