“Diplomat” şefi diplomat olmaq istəyir... - FOTO

  Azərbaycanda nəşr olunan kürdilli “Diplimat” qəzetinin baş redaktoru Tahir Süleyman bu gün Moderator.az-a müraciət edərək Ermənistanın İraqın Kürdistan Muxatiryyətində konsulluq açmasından bərk narahatçılıq keçirdiyini dilə gətirib. T. Süleyman deyir ki, Bağdadda illər öncədən Ermənistanın səfiriliyi fəaliyyət göstərir və bu azmış kimi indi də konsulluq fəaliyyətə başlayacaq. Baş redaktor saytımıza prezident İlham Əliyevin İraqda səfirlik açılmasıyla bağlı sərəncamından 3 ildən çox vaxt keçməsinə baxmayaraq Xarici İşlər Nazirliyinin bəhanə ilə bu işi yubatdığının sübutu kimi nazirlikdən ona verilən cavabı da göndərib, eyni zamanda özü də bu məktuba təkrar cavab yazaraq nazirliyi fakt qarşısında qoyub ki, əgər başqaları təhlükəsizlik problemləri səbəbindən ora getməyə qorxursa, ehtiyat edirsə onu göndərsinlər. O deyir ki, bunu haqqı çatır və dövlətimizi layiqincə təmsil etməyə qadirdir.