Aktyor Nofəl Şahlaroğlu televiziya və radio aparıcılarını sərt tənqid edib. Onun radio aparıcılarından danışarkən “DJ quşbala”, “DJ bayquş” fadəsini işlətməsi, bir çoxlarının ağlına DJ Fatehi (Məmmədəli Məmmədov ) gətirib.
Məsələyə aydınlıq gətirmək üçün Nofəl Şahlaroğlu ilə əlaqə saxladıq.
Aktyor Bizim.Media-ya açıqlamasında bildirib ki, DJ Fateh onun dostudur:
“Kim bayquş və quşbala səviyyəsindədirsə, sözüm onlara aiddir. Kim mənim sözügedən videoma baxıb başa düşmürsə, otuz dəfə də izləsə, anlamayacaq. Konkret adını çəkdiyim adamlar təriflədiyim şəxslər olur. Lakin kimi ki tənqid edirəm, onun adını çəkmirəm. Başa düşən bilir”, - deyə əlavə edib.
Sözügedən videonu təqdim edirik:
Nuranə Daxilqızı, Bizim.Media
