Moderator.az xəbər verir ki, Milli Məclisin deputatı Vahid Əhmədov Novruz bayramı günlərində seçildiyi Quba rayonunda seçiçilərinin yanında olub. Bayram münasibəti ilə rayonda təşkil olunmuş tədbirlərdə iştirak edən millət vəkili, seçicilərinin problemləri ilə maraqlanmağı da unutmayıb. Ənənəsinə uyğun olaraq rayondakı ofisində seçiciləri ilə görüşən millət vəkili daha sonra onları təkbətək qəbul edib.Quba və qonşu Xaçmaz rayonundan olan 74 sakin deputat tərəfindən qəbul edilib.
Qəbul
zamanı ən çox qaldırılan məsələ manatın uçuzlaşmasından sonra əhali və banklar
arsında kreditlərin qaytarilması ilə bağlı yaranmış çoxsaylı sualların cavabsız
qalması olub.Rayonda iş yerlərinin az olması, məşğulluq orqanlarının əhaliyə iş
yerləri təklif edə bilməməməsi deputata ünvanlanmış suallar içərisində çoxluq təşkil
edib.
Qəbul
zamanı əhalinin qaz, işiq və su ilə təhcizatı zamanı yaranan problemlər -ödənişlərin
aparılması, borc məsələləri, əssasız olaraq təhcizatın dayandırılması, sayğacların
quraşdırılması zamanı əsası olmayan ödənişlərin tələb olunması və s. məsələlər əvvəlki
qəbullarda olduğu kimi yenə də səsləndirilib. Qaldırılan problemlərin operativ
və yerində həlli üçün rayonun bir sıra idarə rəhbərləri ilə təmaslar qurulub, şəhərin
icra nümayəndəsi, işıq idarəsinin rəisi və baş mühəndisi ilə görüşlər keçirilib.
Bir sıra məsələlər nəzarətə götürülərək həlli üçün istiqamətlər müəyyənləşdirilib.
Növbəti
qəbul aprel ayına planlaşdırılıb.
