Xəbər verdiyimiz kimi Medianın İnkişafı Agentliyi (MEDİA) Mətbuat Şurası və Audiovizual Şura ilə birgə Qubada "Regional mətbuatın inkişafı" mövzusunda tədbir keçirib.
Tədbirdə Bizim.Media-nın əməkdaşı Aytəkin Alxaslı Mətbuat Şurasının diplomu ilə təltif edilib.
MÖVZU İLƏ BAĞLI:
Qubada regional medianın inkişafına dair müzakirələr aparılıb - FOTO
Belə ki, Mətbuat Şurasının sədri Rəşad Məcid Aytəkin Alxaslıya Azərbaycanda ictimai əhəmiyyət kəsb edən mövzuların işıqlandırılmasındakı peşəkar mövqeyinə, media sahəsindəki xidmətlərinə və jurnalist fəaliyyətinin 35 illiyi münasibətilə diplom təqdim edib.
Aytəkin Alxaslı görüş üçün MEDİA, Mətbuat Şurası və Audiovizual Şura rəhbərliyinə təşəkkür edərək, özünün jurnalist fəaliyyətindən danışıb.
O, MEDİA-nın bölgədə nümayəndəliyinin açılmasını, eləcə də regionda yaşayan jurnalistlərin də işğaldan azad olunmuş rayonlara səfərinin təşkil edilməsini təklif edib.
Bizim.Media
