Brilyant: “Aygünlə dost olmamışıq”x9d

Zülfiyyə ilə beş il bir yerdə oxumuşuq. Bu az müddət deyil. Bütün günü bir yerdə idik. Ya bizdə, ya Zülfiyyəgildə, ya da Nigargilin evində olurduq. Aygünlə isə dost olmamışıq. Yadıma gəlmir ki, nə vaxtsa bir-birimizin evinə gedək.   Moderator.az axşam.az-a istinadən xəbər verir ki, bu sözləri xalq artisti Brilyant Dadaşova "5-ci element" verilişində deyib.   Onun sözlərinə görə, sənət adamlarında birlik olması gözəldir: “Amma dostluğun özü də zaman tələb edir. Bir çəkilişdən çıxıb, hardasa oturub yemək yemişiksə, bu dostluq deyil.   Dostluqda ən vacib odur ki, insanlar eyni olmalıdır. Bəzən xasiyəti bir-birinə zidd olan insanlar dostluq edir. Bir dəfə oğlumu sənət yoldaşımın ad gününə apardım. İçdi, tort gələndə yıxıldı, qusdu, paltarını cırdı. Oğlumun qarşısında utandım. Axı o mənim sənət yoldaşım idi. Belə insanlarla dostluq etmək olmur".