"Bu qanun kişiləri evlilikdən soyudacaq"

Rusiya Dövlət Dumasının Ailənin, atalığın, analığın və uşaqlığın müdafiəsi komitəsinin sədri Nina Ostanina məişət zorakılığına qarşı qanunun qəbul edilməsinin gənclər arasında evlilik istəyini azaldacağını iddia edib.

Bizim.Media xəbər verir ki, rusiyalı deputat bu növ qanunvericilik təşəbbüslərinə ehtiyatla yanaşmağın vacibliyini vurğulayıb.

"Hazırda bizdə hər 10 ailədən 8-i boşanır. Əgər bu rəqəm 10-a çatacaqsa, belə bir qanunun qəbul edilməsinin mənası varmı? Bu qanun qəbul olunarsa, gənclər nikaha daxil olmaq istəyəcəkmi? Yoxsa gənc oğlanlar qorxacaqlar? Çünki qadınlarımızın bəzən impulsiv bəyanatları fonunda evdə həyata yoldaşına hər hansı bir toxunuş onun fiziki və psixoloji sağlamlığına qəsd kimi qiymətləndirilə bilər. Ona görə də, yüz ölçüb bir biçmək lazımdır", – deyə Ostanina bildirib.

Komitə sədri əlavə edib ki, ailədaxili münasibətlərin tənzimlənməsində radikal addımlar atmaq mövcud demoqrafik böhranı və boşanma statistikasını daha da pisləşdirə bilər.

Bizim.Media