Ermənistanda keçirilən növbədənkənar parlament seçkilərində bəzi seçki məntəqələrində qeydə alınan şikayətlər əsasında aparılan səslərin yenidən sayılması prosesi yekunlaşıb. Ölkənin Mərkəzi Seçki Komissiyası (MSK) seçkilərin yekun rəsmi nəticələrini ictimaiyyətə təqdim edib.
Bizim.Media erməni KİV-nə istinadən xəbər verir ki, səslərin yenidən sayılmasından sonra da fəaliyyətdə olan hakimiyyət öz mövqeyini qoruyub saxlaya bilib.
MSK-nın açıqladığı yekun rəsmi protokola əsasən, siyasi qüvvələrin topladığı səslərin faiz nisbəti aşağıdakı kimi müəyyən edilib:
"Vətəndaş Müqaviləsi" Partiyası (Nikol Paşinyan) — 49,745%
"Güclü Ermənistan" Partiyası — 23,271%
"Ermənistan" Bloku (Robert Koçaryan) — 9,923%
"Çiçəklənən Ermənistan" Partiyası (Qagik Çarukyan) — 3,989%
Rəsmi nəticələrə görə, baş nazir Nikol Paşinyanın rəhbərlik etdiyi "Vətəndaş Müqaviləsi" Partiyası parlamentdə yenidən çoxluq qazanaraq təkbaşına hökumət qurmaq hüququnu təmin edib.
Keçmiş prezident Robert Koçaryanın rəhbərlik etdiyi aparıcı müxalif blok isə gözləniləndən daha az səs toplayaraq üçüncü pillədə qərarlaşıb.
Bizim.Media
