Ermənistanda acınacaqlı durum – Çay içməyə şəkər YOXDUR!

Ermənistan iqtisadiyyatı müharibədən sonra daha da böhranlı durumla üzləşib. Ölkədə bir sıra gündəlik tələbat malları və ərzaq məhsulları kəskin bahalaşıb.

Bizim.Media xəbər verir ki, bahalaşan ərzaq məhsulları sırasında şəkər xüsusi yer tutur.

Belə ki, 2020-2021-ci illərdə yerli şəkər istehsalı kəskin azalıb. Nəticədə idxal 36%-dən çox artıb. 

Qeyd edək ki, Ermənistanda istehlak olunan şəkər ya idxal olunur, ya da idxal xammalı ilə istehsal olunur. Həm idxal, həm də istehsal eyni şirkət tərəfindən həyata keçirilir. 2020-ci ildə Ermənistana 27,6 milyon dollar və ya 73,9 min ton şəkər idxal edilib.

Bu, əvvəlki ilə nisbətən 36,6% (2019-cu ildə 20,2 milyon dollar və ya 55,8 min ton) çoxdur. 

Ötən il şəkərin 97,4%-i Rusiyadan, 2,1%-i Ukraynadan, həmçinin az miqdarda Belarus və İtaliyadan idxal edilib.

Oral Mədənçi, Bizim.Media