Saakaşvili anası ilə Tbilisiyə gəlir - Bilet alıb 

“Oktyabrın 2-nə Tbilisiyə bilet almışam”.

Bizim.Media xəbər verir ki, bunu Gürcüstanın keçmiş prezidenti Mixeil Saakaşvili Facebook səhifəsi vasitəsilə etdiyi videomüraciətində deyib.

O, həmin günün axşamı Tbilisidə Gürcüstan xalqının iradəsini müdafiə edəcəyini bildirib:

“Sizinlə birgə Gürcüstanın xilasında iştirak edəcəm. Bunu özüm üçün etmirəm, heç bir şəxsi ambisiyam, hər hansı vəzifə istəyim yoxdur. Mən uşaqlarımızın gələcəyi üçün mübarizə aparacam”.

Sabiq dövlət başçısı Kiyev-Tbilisi istiqaməti üzrə aldığı aviabiletin fotoşəklini də paylaşıb.

Biletdən aydın olur ki, o, oktyabrın 2-də, yerli vaxtla saat 23:05-də anası Giuli Alasaniya ilə birlikdəTbilisiyə çatacaq.

Qeyd edək ki, oktyabrın 2-də Gürcüstanda yerli özünüidarəetmə orqanlarına seçkilər keçiriləcək.

Bizim.Media