Paşinyan: “KTMT çərçivəsində koordinasiya dərinləşdirilməlidir”

KTMT ölkələri beynəlxalq və regional problemlərə əlaqələndirilmiş yanaşmalar hazırlamaq üçün xarici siyasət koordinasiyasını dərinləşdirməlidir. 

Bizim.Media xəbər verir ki, bunu Ermənistanın baş naziri Nikol Paşinyan KTMT-nin Tacikistanın paytaxtında keçirilən iclasında bildirib.

"KTMT-yə üzv ölkələrin maraqlarına toxunan beynəlxalq və regional mövzularda ortaq yanaşmalar hazırlamaq üçün xarici siyasət koordinasiyasının dərinləşdirilməsi və qarşılıqlı dəstəyin davam etdirilməsi zəruridir.
 

MÖVZU İLƏ BAĞLI:

Paşinyan: “Zəngəzurdakı kəndlərimiz blokadada deyil, ancaq belə risk var”

Bunun üçün mütəmadi olaraq çox səviyyəli məsləhətləşmələrin keçirilməsinə böyük əhəmiyyət veririk”, deyə o, qeyd edib.

Xatırladaq ki, Paşinyan sentyabrın 15-də axşam Düşənbəyə gəlib. Hava limanında Ermənistan hökumətinin başçısını Tacikistanın Baş naziri Koxir Rəsulzoda və xarici işlər nazirinin müavini Amirxon Kurbonzoda qarşılayıblar.

Bizim.Media