Şabran DYP rəisinin rüşvət alması ilə bağlı səs yazısı yayıldı - VİDEO

Şabran rayon Polis Şöbəsinin Dövlət Yol Polisi Bölməsinin rəisi, polis baş leytenantı Bəşirli Vasif Bəliyar oğlunun səs yazıları yayılıb. 

Bizim.Media Trend-ə istinadən xəbər verir ki, sosial şəbəkələrdə video formatda yayılan səs yazısında yol polisi rəisi Vasif Bəşirli qabaqcadan əlbir olduğu şəxslə birlikdə müxtəlif şəxslərdən rüşvət alaraq onları Şabran rayonunda işə düzəltdiyi iddia olunub. 

Səs yazısında yol polisi rəisi olduğu deyilən şəxs digər şəxsdən tələb edir ki, işə düzəltdiyi şəxslərin hər birindən məcburi halda 400-500 manat alıb ona gətirsin.
Səs yazısında həmin şəxs deyir ki, digər şəxslərdən isə ilk ayının maaşı rüşvət kimi tutularaq ona veriləcək. 

Baş Dövlət Yol Polisi İdarəsindən Trend-in sorğusuna cavab olaraq bildirilib ki, bu məlumatla bağlı araşdırma aparılır. 

Bizim.Media