Vaşinqton Finlandiya və İsveçə kömək edəcək - ABŞ Müdafiə Nazirliyinin mətbuat katibi

Birləşmiş Ştatlar Finlandiya və İsveçə NATO-ya daxil olmamışdan əvvəl lazımi dəstəyi göstərə biləcək.

Bizim.Media TASS-a istinadən xəbər verir ki, bu barədə bazar günü BBC-yə müsahibəsində ABŞ Müdafiə Nazirliyinin mətbuat katibi Con Kirbi bildirib.

"Mən hipotetik imkanları müzakirə etmək və spekulyasiya etmək istəmirəm, çünki bunun üçün heç bir səbəb yoxdur" deyə o, ABŞ-ın İsveç və Finlandiyaya rəsmi olaraq üzv olmadan əvvəl hücuma məruz qalacağı təqdirdə onlara kömək üçün qoşun göndərib-göndərməyəcəyini soruşduqda deyib.

“Finlandiya və İsveçin bizim rahat əməkdaşlıq etdiyimiz çox müasir silahlı qüvvələri var. Biz mütəmadi olaraq birgə təlimlər keçiririk. Müraciət və NATO-ya üzvlük prosesi zamanı onların hər hansı əlavə hərbi qabiliyyətə və ya dəstəyə ehtiyacı olarsa, o zaman biz dəstək verməyə hazırıq”. 

Kirbi həmçinin bildirib ki, alyansa qoşulmaq Finlandiya və İsveçin suveren hüququdur və heç bir ölkənin bu məsələdə veto hüququ yoxdur:

“Finlandiya və İsveçin NATO-da müttəfiq olub-olmayacağına qərar vermək Rusiyaya aid deyil. Bu, Finlandiya və İsveç xalqlarının seçimidir”.

Bizim.Media