Odessada güllələnən 4 azərbaycanlının nəşi niyə ölkəmizə gətirilmir? - VİDEO

Odessada gömrük postunda rus hərbçiləri tərəfindən güllələnən 4 azərbaycanlının meyitləri Moldovada morqda saxlanılır.

Bizim.Media xəbər verir ki, bu fikirləri hazırda ailəsi ilə bu ölkədə stadionda qalan azərbaycanlı Tapdıq İsmayılov səsləndirib.

MÖVZU İLƏ BAĞLI:

Ukraynada öldürülən dörd azərbaycanlı ilə bağlı YENİ FAKTLAR: “Gözümün qabağında...” - VİDEO 

Ukraynada yaşayan tanınmış jurnalist Mövsüm Qədiroğlu mövzu ilə bağlı həmin şəxsdən müsahibə alıb və orda məskunlaşan azərbaycanlıların durumu ilə maraqlanıb.

Əslən Kəlbəcərdən olan Tapdıq İsmayılov ölən 2 şəxsin qardaşı olduğunu deyib: “Digər 2 nəfər isə biri qardaşım, biri isə bacım oğludur. Onların Azərbaycana aparılması üçün işlər aparılır, ancaq hələlik müsbət nəticə yoxdur”. 

Xatırladaq ki, fevralın 27-də Odessa şəhərindən 60 km aralıda, sərhəd qoşunları hərbçiləri formasında diversiya qrupu olduğu ehtimal olunan silahlılar 7-8 maşından ibarət olan əslən Kəlbəcər rayonundan olan soydaşlarımızın kolonunu tanınmamış Pridnestrovye ilə sərhəd Kuçurqan keçid məntəqəsi yaxınlığında gülləbaran edib.

Hadisə şahidlərinin dediyinə görə 3 həmvətənimiz (Rəhim İsmayılov, Qabil İsmayılov və Nemət İsmayılov) yerindəcə, bir nəfər (Camal Salmanov)  isə xəstəxanada dünyasını dəyişib. İnsident zamanı bir neçə yaralının olduğu da deyilir.

Bizim.Media