Hörmüzdən sonra indi də Qırmızı dəniz böhranı

Yəmənin "Ənsar Allah" (Husilər) hərəkatı Qırmızı dənizdə İsrail gəmiçiliyinə qadağa qoyacaq.

Bizim.Media "The Times of Israel" nəşrinə istinadən xəbər verir ki, bu barədə hərəkatın yaydığı bəyanatda qeyd olunub.
 

“Qırmızı dənizdə İsrailin dəniz nəqliyyatına qarşı tam və hərtərəfli qadağa elan edirik. Düşmənə aid bütün hərəkət edən vasitələri silahlı qüvvələrimiz üçün qanuni hərbi hədəf kimi qəbul edirik”, - deyə bəyanatda vurğulanıb.

Qeyd edək ki, husilər bu bəyanatı regional eskalasiya və Qırmızı dənizdə marşrutların təhlükəsizliyi ilə bağlı yenidən güclənən narahatlıqlar fonunda verib.

Bundan başqa, bəyanatda husilərin İsrailə zərbə endirdiyi bildirilib.

Xatırladaq ki, daha əvvəl husilər İsraillə əlaqəli, eləcə də İsrail limanlarına istiqamət alan gəmilərə hücum etməklə təhdid etmişdilər.

Bizim.Media